Þór, þyrla og Lóðsinn í útkall - uppfært
DSC_20025
Björg­un­ar­skipið Þór. Eyjar.net/ÓPF

Land­helg­is­gæsl­an var kölluð út laust eft­ir klukk­an 22 í kvöld eft­ir að leki kom að drátt­ar­bátn­um Gretti Sterka úti fyr­ir suðaust­ur­strönd Íslands. Frá þessu er greint á fréttavef Morgunblaðsins.

Þar er haft eftir Jóni Þór Víg­lunds­syn­i, upp­lýs­inga­full­trúa Lands­bjarg­ar að björg­un­ar­skipið Þór, þyrla Land­helg­is­gæsl­unn­ar og Lóðsinn úr Vest­mann­aeyj­um komi öll að björg­un­araðgerðum.

Er ástandið á skip­inu talið stöðugt að svo stöddu en alls koma um 20 manns að aðgerðunum. Drátt­ar­bát­ur­inn sigl­ir und­ir fær­eysk­um fána en ekki feng­ust upp­lýs­ing­ar um hve marg­ir séu um borð.

Uppfært kl. 00.10

Fram kemur á fréttavef Rúv laust fyrir miðnætti að dráttarbáturinn hafi verið suðaustur af Vík og er þyrla Landhelgisgæslunnar komin að bátnum með dælur.

Haft er eftir Ásgeiri Erlendssyni, upplýsingafulltrúa Landhelgisgæslunnar að ástandið um borð í Gretti sé nokkuð stöðugt en fimm eru í áhöfn. Björgunarskip Landsbjargar, Þór úr Vestmannaeyjum er á siglingu í átt að Gretti Sterka og segir Ásgeir ætlunina vera að skipið fylgi dráttarbátnum til hafnar í Vestmannaeyjum.

Uppfært kl. 6.30

Í tilkynningu frá Landhelgisgæslu Íslands sem send var fjölmiðlum laust fyrir kl. 1 í nótt segir að þyrlusveit Landhelgisgæslunnar og sjóbjörgunarsveitir Slysavarnafélagsins Landsbjargar hafi verið kallaðar út vegna dráttarbáts sem lenti í vanda vegna bilunar, suðaustur af Vík, á tíunda tímanum í kvöld. Fimm eru um borð í bátnum.

Áhöfn dráttarbátsins hafði samband við stjórnstöð Landhelgisgæslunnar í kjölfar þess að báturinn tók inn á sig sjó vegna bilunar. TF-GRO, þyrla Landhelgisgæslunnar, og björgunarskipið Þór, frá Vestmannaeyjum, héldu til móts við dráttarbátinn sem tók stefnuna til Eyja þegar bilunarinnar var vart. Þá var dráttarbáturinn Lóðsinn frá Vestmannaeyjum einnig beðinn um að halda á vettvang. Þyrlusveit Landhelgisgæslunnar var komin að dráttarbátnum um klukkan 23:30 og fóru tveir sigmenn þyrlunnar um borð í dráttarbátinn með sjódælur og hófu að dæla sjó úr bátnum. Sigmennirnir urðu eftir í dráttarbátnum meðan þyrlan hélt til Vestmannaeyja til að taka eldsneyti. Björgunarskipið Þór frá Vestmannaeyjum var komið á vettvang um klukkan 00:30 og flutti fleiri dælur um borð.

Þegar þetta er ritað eru sigmenn þyrlunnar enn um borð í dráttarbátnum og vel gengur að dæla sjó úr honum. Þá er gert ráð fyrir að Lóðsinn verði kominn á vettvang um klukkan þrjú í nótt fylgi dráttarbátnum til hafnar í Vestmannaeyjum.

Nýjustu fréttir

Íþróttir
Elmar áfram hjá Nordhorn-Lingen
Íþróttir
Róbert hjá ÍBV næstu tvö árin
Fréttir
Framkvæmdir langt komnar í Íþróttamiðstöðinni
Aðsent
Skákþing Vestmannaeyja: Úrslitin ráðast í síðustu umferðunum
Vestmannaeyjabær
Yfir 90% íbúa ánægðir
Fréttatilkynning
Bríet kemur fram á Hljómey
Stjórnmál
Sæunn Magnúsdóttir gengur til liðs við Miðflokkinn
Úr blaði Eyjafrétta
Framkvæmdir hafnar við Áshamar 77  
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.