Það var góð stemning á sjómannadagsballinu í Höllinni í gærkvöldi. Þar var boðið upp á glæsilega dagskrá og frábær mat frá Einsa kalda. Veislustjórar kvöldsins voru þeir Auddi og Steindi. Sverrir Bergmann og Halldór Gunnar mættu með tónlistaratriði. Eyjahjónin Kristín og Sæþór Vídó gerðu slíkt hið sama og Kristó tók einnig nokkur lög. Ballband kvöldsins, Bandmenn sá svo um að loka kvöldinu.

Til góðgerðamála í Eyjum

Að venju fór fram uppboð og skilaði það alls 2.394.000 krónum.

Boðið var í bjórflösku kr. 1,044,000, í jakka Rikka var boðið kr. 500,000. Árituð kokkablússa fór á kr. 450,000 og inni því var falið að Auddi og Steindi kæmu og myndu flytja lag í þjóðhátíðartjaldi þess sem biði hæst í blússuna. Óskar Þór Kristjánsson á von á Audda og Steinda í sitt tjald á Þjóðhátíðinni.

Úr því menn voru byrjaðir að bjóða í fatnað urðu þeir Steindi og Auddi að eftirláta skyrtur sínar sem fóru hvor á kr. 200,000. Alls fengust því kr. 2,394,000,- til góðgerðamála hér í Eyjum.

Söfnunarféð fer á góða staði. Hraunbúðir fá kr. 522,000 og Krabbavörn kr. 1,872,000.
Steindi og Audi urðu að fá lánaðar blússur til að vera í þar sem þeir voru ekki með auka skyrtur með sér, Auddi fékk kokkablússu og Steindi fékk ÍBV búning merktan Hampiðjunni.

Myndir frá skemmtuninni má sjá hér að neðan.

https://eyjar.net/dorgkeppni-kapprodur-og-koddaslagur/

https://eyjar.net/fullt-hus-a-nydonsk/