Í gær var efnt til dagskrár í tilefni af því að öld er liðin frá fæðingu frændsystkinanna Jóns Björnssonar í Bólstaðarhlíð og Þóru Sigurjónsdóttur frá Víðidal, sem fæddust sama dag (þann 17. júní) af systrum og í sama húsi. Húsinu Víðidal hér í Vestmannaeyjum.
Afkomendur Jóns og Þóru minntust þeirra og afhentu safninu bækur sem teknar hafa verið saman um líf þeirra og störf. Dagskráin var afar áhugaverð, einlæg og fróðleg. Henni verður einnig gerð skil í næsta tölublaði Eyjafrétta. Myndband Halldórs B. Halldórssonar frá dagskránni má sjá hér að neðan.
