Það er einhver barnsleg gleði sem fylgir aðventunni og jólunum sjálfum ár hvert.

Ég hugsa oft til þess þegar ég bjó á Vestmannabrautinni, sem ung stúlka, og við vinkonurnar biðum alltaf spenntar eftir því að bjallan færi upp í Bárugötunni á milli kaupfélagsbúðanna. Þá voru jólin komin í okkar huga.

Við höldum mörg hver í gamlar hefðir sem tengdar eru jólum og áramótum, eins og að kynslóðirnar spili saman. Jólahátíðin er mikilvægur þáttur í samskiptum og samveru hjá fjölskyldum og vinum. Það skiptir okkur öll máli að geta átt þessa stund með okkar fólk á þessum árstíma, skapa minningar og hefðir sem verða partur af lífi okkar.

Árið sem nú er að líða hefur á margan hátt verið gott og gjöfult fyrir okkur sem erum svo heppin að búa hér í Vestmannaeyjum. Uppbygging og ný tækifæri eru að líta dagsins ljós og er framtíðin spennandi. Að byggja upp gott samfélag er langhlaup og mikilvægt að halda áfram á þeirri braut sem við höfum verið á.

Kæru Eyjamenn ég óska ykkur gleðilegra jóla og vona að nýtt ár verði okkur öllum gæfuríkt og gott.

Hátíðarkveðja
Íris Róbersdóttir, bæjarstjóri.

Greinin birtist fyrst á vef Vestmannaeyjabæjar.