„Kostnaður ríkisins vegna aðkeyptrar lögfræðiþjónustu vegna þjóðlendukrafna fjármála- og efnahagsráðherra á svæði 12 sem reknar hefur verið fyrir Óbyggðanefnd og tekur til eyja og skerja hér við land nemur alls rúmum 96 milljónum króna, en heildarkostnaður við kröfugerðina er 192,4 milljónir og eru þó ekki öll kurl komin til grafar enn,“ segir frétt Morgunblaðsins í dag.

Segir að þetta komi fram í svari fjármála- og efnahagsráðherra við fyrirspurn Bergþórs Ólasonar alþingismanns Miðflokksins.

Stærsti hluti greiðslnanna hefur runnið til Juris lögmannsstofu, ríflega 91 milljón, en liðlega 5 milljónir voru greiddar teiknistofunni Landformi vegna kortavinnu.

Þá er ótalinn kostnaður Vestmannaeyjabæjar og annarra sveitarfélaga sem þurfa að grípa til varna vegna kröfu ríkisins sem ásælist allar úteyjar Vestmannaeyja og gott betur.