ÍBV stelpurnar unnu Tindastól í 16-liða úrslitum Mjólkurbikarsins
Allison Patricia Clark kom Eyjakonum í 0-1. Ljósmynd/Sigfús Gunnar Guðmundsson.

Kvennalið ÍBV í fótbolta vann sannfærandi 0-5 sigur á Tindastól í 16-liða úrslitum Mjólkurbikarsins, á Sauðárkróki í dag. Tindastóll spilar í Lengjudeildinni og hafa tapað fyrstu tveimur leikjum sínum þar á meðan Eyjakonur hafa verið á blússandi siglingu í Bestu deildinni. 

Eyjakonur komust yfir strax á sjöttu mínútu leiksins með marki frá Allison Patriciu Clark þegar hún skoraði með góðu skoti fyrir utan teig. Þóra Björg Stefánsdóttir kom ÍBV í 0-2 þegar hún fylgdi á eftir skoti Milenu Michaelu Patru eftir tuttugu mínútna leiks. Milena skoraði svo sjálf tólf mínútum síðar þegar hún stal boltanum af varnarmanni Tindastóls og setti boltann örugglega í netið. Þóra Björg Stefánsson skoraði sitt annað mark og fjórða mark ÍBV í leiknum á 40. mínútu, þegar hún lagði boltann í netið af stuttu færi, eftir undirbúning Allison Clark. Staðan 0-4 í hálfleik.

Eyjakonur voru með öll völd á vellinum allan leikinn og fengu urmul af færum til að setja fleiri mörk. Fimmta og síðasta mark ÍBV kom á 56. mínútu leiksins þegar hin unga og efnilega Tanja Harðardóttir skoraði af löngu færi. Lokatölur leiksins 0-5 og verður ÍBV í pottinum þegar dregið verður í 8-liða úrslitunum.

Tindastóll 0 – 5 ÍBV
0-1 Allison Patricia Clark (‘6 )
0-2 Þóra Björg Stefánsdóttir (’21 )
0-3 Milena Michaela Patru (’32 )
0-4 Þóra Björg Stefánsdóttir (’40 )
0-5 Tanja Harðardóttir (’56 )

 

Nýjustu fréttir

Heimir og Írar fara í umspil í Þjóðadeildinni
Átján framúrskarandi fyrirtæki í Eyjum
Bærinn semur við kaupmenn um jólagjafakort
Fjarvarmi í Eyjum hækkaði um 4,81% í nóvember
Herjólfur miðar við 2,5% hækkun um áramót
Já, nei, já
Herjólfur siglir til Þorlákshafnar
Ellert Scheving segir upp hjá ÍBV
Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.