Göngumessa er fastur liður á Goslokahátíð og var hún vel sótt að þessu sinni enda skörtuðu Eyjarnar sínu fegursta. Gengið var frá Landakirkju upp í gíg Eldfells þar sem séra Guðmundur Örn Jónsson og Guðni Hjálmarsson stýrðu helgistund. Kitty stýrði söng og lék í messunni ásamt félögum úr Lúðrasveit Vestmannaeyja. Að henni lokinni var haldið að Stafkirkjunni á Skansinum þar sem heit súpa, brauð og kaffi biðu göngugarpanna.

Óskar Pétur Friðriksson, ljósmyndari Eyjafrétta var með í för og smellti meðfylgjandi myndum.