Sigtryggur Daði Rúnarsson hefur skrifað undir nýjan samning við handknattleiksdeild ÍBV. Félagið greindi frá tíðindunum í dag.

Sigtryggur Daði, eða Siddi eins og hann er jafnan kallaður, hefur leikið með ÍBV frá haustinu 2020 og er einn reynslumesti leikmaður liðsins. Hann hefur verið mikilvægur hlekkur í liðinu undanfarin ár og varð meðal annars Íslandsmeistari með ÍBV vorið 2023.

„Við erum glöð að halda Sidda áfram innan raða ÍBV og hlökkum til áframhaldandi samstarfs,“ segir í tilkynningu handknattleiksdeildarinnar.