Eikarbáturinn Blátindur sökk í Vestmannaeyjahöfn í óveðrinu sem gekk yfir Vestmannaeyjar síðastliðinn föstudag. Bátnum, sem á sér merka sögu, var komið fyrir á Skanssvæðinu vorið 2018. 17 árum eftir að hann var afhentur Vestmannaeyjabæ til varðveislu. Þangað til hafði hann ýmist staðið á eða við bryggju í Eyjum. Hugmyndin að koma bátnum fyrir á Skansinum var fyrst sett fram af Útvegsbændafélagi Vestmannaeyja 1999. Félagið fékk hjólin til að snúast og úr varð að stofnað áhugamannafélag um endurbyggingu í september 2000. Mál Blátinds voru rædd á fundi bæjarráðs á mánudaginn. Ekkert hafði þó verið ákveðið með framhaldið þegar blaðið fór í