Saltfiskframleiðendur standi í fæturna

Eyjafréttir
·
Sjávarútvegur
·
28. maí 2020

Vetrarvertíð er nýlega lokið og Sverrir segir ávallt talsverðar birgðir saltfisks í landinu á þessum tíma. Þær séu hvorki meiri né minni en undanfarin ár. Aðal sölutíminn í fullsöltuðum saltfiski er haustin.

Útbreiðsla kórónuveirunnar og gagnráðstafanir sem þjóðir heims hafa gripið til hafa haft talsverð áhrif á saltfiskmarkaðinn eins og flesta aðra geira sjávarútvegsins hér á landi. Sverrir Haraldsson, sviðstjóri botnfisks hjá Vinnslustöðinni í Vestmannaeyjum og formaður Íslenskra saltfiskframleiðenda, segir að áhrifa þessa gæti ekki síst á Spáni og Ítalíu en einnig í Portúgal þótt smit þar í landi hafi verið umtalsvert færri.

Verð stýra ekki eftirspurn núna
„Þegar öll veitingahús loka þá dregur að sjálfsögðu úr eftirspurninni. En þetta er tímabundið ástand. Minni eftirspurn hefur ekkert með verð að gera heldur stjórnast af tímabundnu, samfélagslegu ástandi. Þótt verð lækki verulega er mjög ósennilegt að eftirspurn aukist til skamms tíma litið. Þetta er ástand sem þarf að ganga yfir og framleiðendur verða að sýna þolinmæði,“ segir Sverrir.

„Við eigum auðvitað von á því að markaður opnist með haustinu og nýtt jafnvægi nást. Við megum hugsanlega búast við verðlækkunum. En það er mjög mikilvægt að menn standi fast á fótunum og efni ekki til óhóflegra verðlækkana nú því þær munu hafa mjög takmörkuð áhrif á söluna. Framleiðendur hafa lagt út ákveðinn kostnað sem þeir þurfa að fá til baka. Þess vegna vill enginn upplifa eitthvert verðhrun á þessu markaði. Það er engin ástæða til að örvænta heldur,“ segir Sverrir.

fiskifréttir.is

Nýjustu fréttir

Íþróttir

Jafnt hjá ÍBV og Fram í Lengjubikar kvenna

Íþróttir

Tómas Bent og félagar í Hearts aftur á sigurbraut

Íþróttir

ÍBV vann Suðurlandsslaginn

Aðsend grein

Öflug barátta og samstaða skipar öndvegi í framtíð Eyjanna

Bæjarmálin

Engin börn í vistun utan Vestmannaeyja

Bæjarmálin

Grípa þarf til aukasundkennslu eftir langvarandi lokun

Íþróttir

Suðurlandsslagur í Eyjum

Fréttir

Herjólfur til Landeyjahafnar seinni partinn

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki