Sambærilegt aðgengi að heilbrigðisþjónustu óháð búsetu

Forstjóri Sjúkratrygginga Íslands segir að unnið sé að því að tryggja sambærilegt aðgengi að heilbrigðisþjónustu fyrir alla, óháð búsetu. Sjúkratryggingar greiddu í fyrra 546 milljónir króna í ferðakostnað fólks sem þurfti að sækja þjónustu sérfræðilækna utan heimabyggðar.

Í fréttum RÚV í gær var sagt frá manni á Austurlandi sem hefur í heilt ár reynt að fá tíma hjá augnlækni og gagnrýndi að þurfa að fara til Reykjavíkur til að fá augnskoðun. Í samningum Sjúkratrygginga Íslands við sérfræðilækna, sem runnu út fyrir ári, er læknum ekki skylt að veita fólki þjónustu í heimabyggð þess. Komur sérfræðinga til landsbyggðarinnar eru því stopular og þarf fólk oft að ferðast um langan veg eftir læknisþjónustu.

María Heimisdóttir, forstjóri Sjúkratrygginga Íslands, segir ekki boðlegt að fólk úti á landi hafi ekki sambærilegt aðgengi að heilbrigðisþjónustu og aðrir. Unnið sé að því að leiðrétta það, meðal annars út frá nýrri heilbrigðisstefnu. „Við erum að leita eftir samningum við sérgreinalækna um þeirra þjónustu og í þeim samningum verður gerð sérstök krafa um að ákveðin þjónusta, til dæmis augnlækningar verði aðgengileg í heimabyggð með reglulegum hætti.“ segir María. 

Sambærilegt aðgengi verður um allt land
Nýir samningar eiga jafnframt að gilda um barnalækningar, geðlækningar og háls-, nef- og eyrnalækningar, fæðingar- og kvensjúkdómalækningar, öldrunar-, hjarta-  og innkirtlalækningar. Sérfræðilæknar hafa frest til októberloka til að skila hugmyndum að samningum. 
Hversu oft þjónustan verður veitt verður metið eftir hverjum landshluta fyrir sig. Meðal annars út frá fólksfjölda og aldursdreifingu. María segir að aðgengi eigi að verða sambærilegt um land allt. 

546 milljónir í ferðakostnað
Sjúkratryggingar Íslands endurgreiddu fólki 546 milljónir króna í ferðakostnað vegna þessa árið 2019 sem María segir ekki góða nýtingu fjármuna; „Aðalatriðið er að fólk á rétt á því að fá sambærilega þjónustu óháð því hvar það býr, það er aðalatriðið, þetta er heldur ekki góð notkun á fjármunum“.

ruv.is greindi frá

Nýjustu fréttir

Áhugavert
Undankeppni Stíls á morgun
Fréttaskýring
Versnandi afkoma bæjarins
Úr blaði Eyjafrétta
Nýtt líf og Leikfélag Vestmannaeyja
Fréttir
Tveir dæmdir eftir þjófnað úr dósagámi ÍBV
Fréttatilkynning
Aglow samvera í kvöld
Myndband
Ísfélagið komið með tvo þriðju af loðnukvótanum
Sjávarútvegur
„Loðna með suðurströndinni og henni fylgir mikill fjöldi hvala”
Vinnslustöðin
5. bekkur kynnti sér loðnuna í uppsjávarvinnslu VSV
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.