Þegar hömlur og takmarkanir eru orðnar hluti af daglegu lífi okkar þá þurfum við að finna lausnir til að geta framkvæmt það sem okkur er svo mikilvægt. Á þessum orðum hefst tilkynning sem leikskólinn Sóli sendi frá sér í morgun. Á föstudögum er það hefð á Sóla að vinakjarnar koma saman í sal þar sem Marta Jónsdóttir leikskólakennari stýrir dásamlegum söngfundi, þar syngjum við og dönsum okkur inn í helgarfríið. Engar takmarkanir eru á börnunum en kennarar þurfa að gæta að ákveðnum reglum, því ákváðum við að færa söngfundinn okkar út undir beran himinn og njóta samverunnar. Gleðiríka helgi til ykkar allra frá okkur á Sóla.
