Hótelstjórinn Magnús Bragason, Maggi Braga, er fæddur árið 1965. Hann er giftur Öddu Jóhönnu Sigurðardóttur og eiga þau þrjá syni, þá Daða, Braga og Friðrik. Magnús hefur frá unga aldri starfað fyrir íþróttahreyfinguna í Vestmannaeyjum og er hvergi nærri hættur. Magnús er handhafi fréttapýramídans árið 2020 fyrir framlag til íþróttamála í Vestmannaeyjum. Klettapeyjar „Mín fyrsta aðkoma að íþróttastarfi var þátttaka í liði Klettapeyja. Það var fótboltalið okkar peyjanna í hverfinu í kringum blokkina og var völlurinn okkar norðan við vesturenda Faxastígs. Ég var í yngra liðinu. Það voru skipulagðar æfingar og þjálfari liðsins var Ómar Jóhannsson. Ég man að við