Tveir einstaklingar búsettir í Vestmannaeyjum greindust með staðfest smit af COVID-19 í gær en þeir voru báðir í sóttkví. Eru því samtals fjórir í einangrun og 78 í sóttkví. Einn einstaklingur hefur lokið sóttkví.

Aðgerðastjórn beinir þeim tilmælum til bæjarbúa að gæta vel að eigin smitvörnum og fara eftir fyrirmælum stjórnvalda um sóttvarnir í einu og öllu. Má þar helst nefna tveggja metra regluna. Með því er hægt að koma í veg fyrir frekari útbreiðslu veirunnar í okkar samfélagi.

Einstaklingum með flensueinkenni er bent á að hafa samband við heilsugæsluna i síma 432-2500 á milli klukkan átta og fjögur en utan þess tíma skal hafa samband við læknavaktina í síma 1700 til að fá tíma í sýnatöku.
F.h. aðgerðastjórnar,
Arndís Bára Ingimarsdóttir, aðgerðastjóri.