Helgi Sigurðsson, þjálfari meistaraflokks ÍBV karla í knattspyrnu Helgi Sigurðsson samdi við ÍBV til þriggja ára í vetur og tók þá við sem aðalþjálfari liðsins. Helgi tók við af Ian Jeffs sem tók við stjórnartaumunum tímabundið síðasta sumar eftir að Portúgalinn Pedro Hipólito var rekinn frá félaginu. Ian Jeffs verður aðstoðarþjálfari með Helga í sumar. „Stærstu breytingarnar á hópnum frá því í fyrra eru þær að í ár eru mun færri erlendir leikmenn í okkar hóp. Við lögðum mikla áherslu að hafa færri erlenda leikmenn en um leið viðhalda þeim gæðum sem þeir búa yfir,“ sagði Helgi aðspurður um breytingar