ÍBV og Valur mættust öðru sinni í þessari viku í Eyjum. Í dag var um deildarleik að ræða en á fimmtudaginn slógu þær rauðklæddu lið ÍBV úr bikarkeppninni. Íslands- og bikar­meist­ar­arnir héldu uppteknum hætti í dag og fóru leikar þannig að Valur vann með 10 mörkum, 32-22, en liðið náði öruggri forystu strax í fyrri hálfleik og leiddu í leikhlé 18-9.

Valur er á toppnum með 28 stig en liðið hefur aðeins tapað einum leik á tíma­bil­inu. ÍBV eru áfram í næst­neðsta sæti deildarinnar með aðeins sex stig. Brit­ney Cots var markahæst ÍBV með 7 mörk og Sunna Jóns­dótt­ir skoraði 3.