Árgangur 1958 í Vestmannaeyjum er að sjálfsögðu besti Eyjaárgangurinn frá upphafi. Hittust á árgangsmóti um helgina og hófst fjörið í Zame krónni á föstudagskvöldið. Þar skemmtu sér allir eins og enginn væri morgundagurinn. Lundapysja gerðist boðflenna og að sjálfsögðu vakti hún mikla athygli.

Seinni partinn á laugardeginum hittust þau á Brothers Brewery og þaðan var farið í Akóges rétt fyrir hálf átta. Þar var byrjað á því að minnast þeirra sem farnir eru. Sest niður og borðaður dýrindis matur að hætti Einsa kalda og hans fólks. Ótrúlegir fagmenn þar á ferð og æðislega góður matur á galakvöldinu.

Ýmislegt var gert sér til skemmtunar. Dísa, konan hans Böðvars las upp flotta ævilýsingu. Nice gæs tróðu upp, eða voru það Old gæs? Man ekki alveg en þeir voru stórgóðir og flott erindin þeirra. Gulla og Vigga sungu en þeir Pétur Guðjóns, Eyþór Bebba og Siggi Davíðs spiluðu undir. Óla Heiða var með danskennslu sem margir nýttu sér og dönsuðu eins og hetjur. Að danskennslunni lokinni Kom húsbandið og lék fyrir dansi og spilaði langt fram á nótt.

Fleiri voru árgangsmótin þessa helgi en af þeim er ekkert að frétta.

Myndir og texti: Óskar Pétur