Author: Annika

Vorsýning fimleikafélagsins í dag

Fimleikafélagið Rán heldur sína árlegu vorsýningu í dag, 4. júní klukkan 16:00. Þema sýningarinnar í ár er „Barbie“ og munu nemendur frá 1. bekk og upp úr sýna afrakstur vetrarins. Búast má við flottri sýningu eins og undanfarin ár og eru bæjarbúar hvattir til að mæta og sýna krökkunum stuðning. (meira…)

Sköpunarhúsið áfram opið í sumar 

Fyrsti hluti Sköpunarhússins, sem sett var á laggirnar fyrr á þessu ári, verður áfram opið í sumar fyrir ungmenni á aldrinum 13–20 ára. Markmiðið með Sköpunarhúsinu er að skapa vettvang fyrir ungt fólk til að þróa tónlistaráhuga sinn, prófa sig áfram í upptökum og kynnast tónlistarvinnslu í skapandi og öruggu umhverfi. Sköpunarhúsið sem staðsett er […]

Herjólfur frestar 8 ferða áætlun 

Til stóð að Herjólfur hæfi siglingar samkvæmt sumaráætlun með átta ferðum á dag frá og með 5. júní, en þeim áformum hefur verið frestað. Ástæðan er sú að ferjan er enn í siglingum á einni skrúfu og því ekki mögulegt að halda úti fyrirhugaðri áætlun að svo stöddu. Herjólfur mun því áfram sigla samkvæmt hefðbundinni […]

Karlakór Vestmannaeyja með vortónleika

Karlakór Vestmannaeyja heldur sína árlegu vortónleika í Eldheimum fimmtudaginn 4. júní næstkomandi. Samkvæmt tilkynningu frá kórnum verður boðið upp á fjölbreytta dagskrá þar sem meðal annars verða flutt hefðbundin karlakórslög, sígild Eyjalög og þekktir erlendir smellir. Markmiðið er að höfða til breiðs hóps tónleikagesta með blöndu af hefðbundnum og léttari tónum í sumaranda. Tónleikarnir hefjast klukkan […]

Hjónin Rósa og Ágúst deila áhuga á handverki

Hjónin Ágúst Erling Kristjánsson og Rósa Jónsdóttir deila sameiginlegri ástríðu fyrir handverki og skapandi vinnu sem þau sinna samhliða daglegu lífi. Þau hafa bæði þróað sinn eigin stíl í gegnum árin, þar sem Ágúst hefur lagt áherslu á smíði og hönnun nytjahluta, á meðan Rósa hefur helgað sig prjóni og skapað fjölbreyttar og vandaðar flíkur. […]

Hipsumhaps á Þjóðhátíð

Hljómsveitin Hipsumhaps mun koma fram á Þjóðhátíð í ár, þetta kom fram í tilkynningu frá samfélagsmiðlum þjóðhátíðar í dag. Tilkynnt hefur verið um fjölda listamanna á hátíðinni síðustu vikur og bætist Hipsumhaps nú í þann hóp sem mun skemmta þjóðhátíðargestum í sumar. Hipsumhaps á þekkta slagara á borð við LSMLÍ (Lífið sem mig langar í), […]

Fólk hvatt til að tryggja sér miða í forsölu

Stefnt er að því að halda tónleika með SSSÓL í Höllinni föstudaginn 5. júní í tilefni sjómannadagshelgarinnar. Miðasalan hefur hins vegar farið hægt af stað og sendi Höllin nýverið frá sér tilkynningu þar sem fólk er hvatt til að tryggja sér miða í forsölu ætli það sér að mæta á tónleikana. Samkvæmt tilkynningunni hefur forsalan […]

Leikfélagið með spunasýningu

Leikfélagið stendur fyrir spunasýningu á morgun fimmtudaginn 29. maí, en þetta er þeirra þriðja sýning af þessu tagi. Um er að ræða svokallað improv eða spunaleikhús þar sem ekkert efni er skrifað eða æft fyrirfram. Persónur, samtöl og sögur verða til í augnablikinu og geta áhorfendur jafnvel haft áhrif á gang sýningarinnar með hugmyndum úr […]

Mugison með tónleika á Skansinum

Mugison verður með tónleika við Skansinn næstkomandi laugardag kl 15. Gestir eru hvattir til að taka með sér útilegusstóla svo hægt verði að skapa skemmtilega og afslappaða stemningu við Skansinn með Heimaklett í bakgrunni. Tónleikarnir verða með óhefðbundnu sniði þar sem áhersla verður lögð á að fólk njóti tónlistar og umhverfisins saman á einum fallegasta […]

Staða mála hjá Herjólfi

Herjólfur hefur sent frá sér tilkynningu um stöðu helstu mála er varða siglingar Herjólfs IV, dýpkun í Landeyjahöfn, viðgerð á mótor skipsins og stöðu varaskips. Tilkynningin var birt í dag og má sjá hér fyrir neðan: Því miður eru ekki mikið að frétta síðan 11. maí. Bókunarkerfið er komið í lag, en af öðrum málum […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.