Víðir Sigurðsson hefur birt skemmtilega pistla á Facebook-síðu sinni um Bestu deild kvenna. Í færslu hans í gær, sem akureyri.net birti, fjallaði hann meðal annars um nýliða ÍBV.

Nýliðar ÍBV hafa komið skemmtilega á óvart og unnið þrjá fyrstu leiki sína í deildinni, eins og Íslandsmeistarar Breiðabliks. Þetta er besta byrjun ÍBV í fimmtán ár en þá unnu Eyjakonur fyrstu fjóra leika sína í deildinni 2011. Þá var ÍBV einmitt nýliði í deildinni, eins og nú, og annar fyrirliði Eyjaliðsins það ár var Eyjakonan Elísa Viðarsdóttir, núverandi leikmaður Breiðabliks. Engir nýliðar í deildinni hafa byrjað eins vel á þessum fimmtán árum. 

Þess má til gamans geta að núverandi þjálfari liðsins, Jón Ólafur Daníelsson, var einnig þjálfari liðsins árið 2011. 

Þá fjallaði hann líka um markadrottninguna Allison Grace Lowrey, framherja ÍBV. Allison Lowrey, sem varð markadrottning 1. deildarinnar 2025 með ÍBV, skoraði 25 mörk, og var jafnframt kjörin besti leikmaður deildarinnar, heldur sínu striki og er nú markahæst í Bestu deildinni með þrjú mörk fyrir nýliðina frá Eyjum í fyrstu þremur umferðunum.