Bókasafnið í íþróttahúsið – hvað felst í áformunum?

Eyjafréttir
·
Áhugavert
·
17. desember 2025

Í umræðu um þriggja ára fjárhagsáætlun Vestmannaeyjabæjar hefur vakið athygli áform um að færa bókasafn bæjarins í íþróttahúsið. Íris Róbertsdóttir, bæjarstjóri, segir hugmyndina vera hluta af langtímafjárfestingaáætlun bæjarins og unnið hafi verið að henni í þverpólitískum hópi á vegum bæjarráðs.

„Þetta er hluti af vinnu vegna fjárfestinga næstu ára og þess vegna er verkefnið inni í langtímaáætlun. Farið var yfir þetta við seinni umræðu um fjárhagsáætlun í bæjarstjórn í lok nóvember,“ segir Íris. Áformin fela ekki í sér nýtt bókasafn heldur flutning á núverandi safni. „Um sama bókasafn er að ræða – þetta er ekki nýtt safn,“ undirstrikar hún.

Menningarsalur í Safnahúsið

Samkvæmt áætlunum er gert ráð fyrir að bókasafnið flytji í nýja tengibyggingu eða anddyri íþróttahússins, á annarri hæð viðbyggingar. Núverandi húsnæði bókasafnsins myndi þá taka á sig nýtt hlutverk.

„Áætlað er að núverandi salur bókasafnsins verði menningarsalur fyrir sveitarfélagið,“ segir Íris. Hún bætir við að stærð nýja rýmisins í íþróttahúsinu verði svipuð og nú er, eða um 300–350 fermetrar. Núverandi bókasafn er rúmlega 300 fermetrar.

Viðbyggingin við íþróttahúsið, sem mun hýsa bókasafnið ásamt nýju anddyri og tengingum við aðra hluta hússins, er áætluð á árunum 2028–2029. Samkvæmt samþykktri þriggja ára áætlun er kostnaður við bygginguna áætlaður 650 milljónir króna.

Efling íþróttahússins og skýr staða skólabókasafna

Spurð um ástæðuna fyrir því að færa bókasafnið í íþróttahúsið segir Íris markmiðið vera að efla húsið sem samkomu- og þjónustustað. „Þetta er hugsað til að efla íþróttahúsið sem stað sem börn og fullorðnir sækja, hafa þar meira af afþreyingu í boði og færa bókasafnið nær þeim sem nýta húsið. Vonin er sú að fleiri sæki safnið,“ segir hún.

Einnig hefur verið rætt um framkvæmdir við Hamarsskóla, þar sem gert er ráð fyrir stækkun samkvæmt tillögu skólastjóra. Þar er þó ekki um stækkun bókasafns að ræða. „Þetta snýst um að byggja fjölnotasal sem nýtist sem matsalur, bókasafn og hátíðarsalur fyrir skólann,“ útskýrir Íris.

Hún tekur skýrt fram að ekki standi til að fjölga bókasöfnum í sveitarfélaginu. „Það verða áfram þrjú bókasöfn – aðalsafnið og skólabókasöfn í Hamarsskóla og Barnaskóla. Skólabókasöfn eru nauðsynleg og ekki stendur til að draga úr þeim rekstri.“

Rekstur bókasafnsins mun að sögn Írisar ekki aukast við flutninginn. „Þetta er einfaldlega tilfærsla á fjármagni. Reiknað er með sama rekstrarframlagi og nú er til safnsins.“

Nýjustu fréttir

Íþróttir

ÍBV með bakið upp við vegg eftir tap gegn Val

Sjávarútvegur

Eyjarnar landa í Grindavík

Aðsend grein

Sterk uppbygging og skýr framtíðarsýn

Aðsend grein

Skortur á félagslegum tengslum er dauðans alvara

Fréttatilkynning

Síðasta Aglow samvera vetrarins

Samgöngur

Landeyjahöfn orðin fær á háflóði

Áhugavert

Heimsklassa matreiðslumeistarar frá Íslandi á MATEY

Íþróttir

Úrslitaeinvígið: Mæta Val á heimavelli

Mest lesið

viðburðir

22. maí 2026

18:00

MATEY Seafood Festival

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Menningarsalur í Safnahúsið

Efling íþróttahússins og skýr staða skólabókasafna

Nýjustu fréttir

Góð ráð fyrir siglingu

Sjóveiki