Í dag, fimmtudag hefjast búslóðaflutningar í hvítu tjöldin í Herjólfsdal. Súlur voru reistar í gær á fráteknum stæðum og í dag má flytja innanstokksmuni inn í Herjólfsdal.

Flutningarnir fara fram á tveimur tímabilum yfir daginn og halda síðan áfram á morgun, föstudag,.

Í dag verða búslóðaflutningar á eftirfarandi tímum:

11:30–15:00
17:30–20:00

Á morgun, föstudag, verður hægt að flytja búslóð á milli:

09:30–11:00

Skipuleggjendur minna á að Herjólfsdalur verður lokaður fyrir almenna umferð utan þessara auglýstu tíma. Gestir eru hvattir til að skipuleggja komur sínar með hliðsjón af þessu og fylgja leiðbeiningum starfsfólks á svæðinu.