Deild­ar­myrkvi á sólu sást víðsveg­ar um landið fyr­ir há­degi í dag. Meðal annars í Eyjum. Óskar Pétur Friðriksson ljósmyndari Eyjafrétta fangaði sjónarspilið á minniskort.

Fram kemur á vefsíðunni Ice­land at Nig­ht að sól­myrkv­ar verði þegar tunglið sé nýtt og gangi fyr­ir sól­ina og varpi skugga á Jörðina. Þegar tunglið hylur sólina að hluta verða deildarmyrkvar en þegar tunglið fer fyrir sólina alla verður almyrkvi. Deildarmyrkvar sjást frá mun víðfeðmara svæði en almyrkvar. Sporbraut tunglsins um Jörðina hallar lítið eitt svo oftast fer tunglskugginn undir eða yfir Jörðina.