Dómkórinn í Reykjavík sækir Vestmannaeyjar heim og heldur tónleika í safnaðarheimili Landakirkju laugardaginn 9. maí kl. 17:00.

Á efnisskrá er tónlist af ýmsum toga, íslensk og erlend, allt frá Palestrina og Grieg, til Hjálmars H. Ragnarssonar og Oddgeirs Kristjánssonar.

Kitty Kovács leikur með á píanó en stjórnandi kórsins er Eyjamaðurinn Matthías Harðarson dómorganisti. Aðgangur er ókeypis og allir hjartanlega velkomnir, segir í tilkynningu frá skipuleggjendum.