Lóðsinn stefnir á að sigla til Landeyjahafnar eftir hádegi á morgun, föstudag, til að mæla dýpið í höfninni samkvæmt tilkynningu frá Herjólfi ohf. Þar segir jafnframt að dýpkunarskipið Álfsnes sé væntanlegt annað kvöld og er gert ráð fyrir að dýpkun geti hafist um leið og aðstæður leyfa.

Horfur fyrir siglingar næstu daga eru nokkuð góðar ef marka má ölduspá. Ef niðurstöður mælinga reynast hagstæðar er vonast til að unnt verði að hefja siglingar til Landeyjahafnar á háflóði við kjöraðstæður. Herjólfur ohf. hyggst senda frá sér frekariupplýsingar þegar niðurstöður mælinganna liggja fyrir.