„Ef þetta er nýr maður þá keyrir hann á”

Harald Teitsson, formaður Félags hópferðaleyfishafa, telur merkingar við Herjólf vítaverðar og segir fjölda bifreiða hafa orðið fyrir tjóni þar síðustu ár.

Í samtali við mbl.is segir hann hann þrjú ár síðan hans félagsmenn hjá hinum ýmsu hópbifreiðafyrirtækjum voru að lenda í miklum vandræðum við landganginn hjá Herjólfi. Vörubifreið var ekið á landgöngubrú Herjólfs sl. þriðjudag þar sem miklar skemmdir urðu á brúnni. Harald segist hafa brugðið við fréttina.

Harald segir merkingarnar ábótavanar og bílstjóra oft eiga enga möguleika. Engin furða sé að þeir bílstjórar sem eru ókunnugir staðháttum keyri þar undir. „Þetta var svo illa merkt og svo hékk þarna stál­stöng yfir og pínu­lít­il merk­ing á henni þar sem stóð 3,8 metr­ar. Óvan­ir bíl­stjór­ar keyrðu bara und­ir þetta.“

Aldrei neitt gert

Loftræstibúnaður á þaki hópbifreiða hjá ferðaþjónustufyrirtækinu Gray Line hefur tvisvar lent í slæmu tjóni. „Loft­kæl­ing­ar­kerfið er á toppn­um og það dúndr­ast í þetta og það eru bara fjór­ar-fimm millj­ón­ir í hvert skipti. Lík­lega hafa sex bíl­ar lent í tjóni þarna, tjón upp á kannski tutt­ugu millj­ón­ir, og Herjólf­ur gerði aldrei neitt. Við töluðum við þá, Rún­ar hjá Grayl­ine líka og fleiri. Þá feng­ust þau svör að það ætti að skoða þetta eitt­hvað en svo var aldrei neitt gert“ rifjar Harald upp fyrir blaðamanni mbl.is.

Merkja þurfi kirfilega

„Í fyrsta lagi ætti að vera búið að loka fyr­ir akst­ur þarna und­ir eða að minnsta kosti merkja þetta kirfi­lega svo menn séu ekki að gera þessi mis­tök aft­ur og aft­ur, þetta eru svo dýr mis­tök.“

„All­ir bíl­ar eiga að fara þarna og það er merkt þannig en svo eiga trukk­arn­ir að bíða í brekk­unni en ekki fara sömu leið og aðrir bíl­ar. Það er bara svo illa merkt að þeir fara sömu leið og sjá svo ekki merk­ing­una af því að hún er svo lé­leg. Við höf­um bent á þetta og varað bíl­stjóra við þessu en ef þetta er nýr maður þá keyr­ir hann á þetta, það er bara svo­leiðis“ segir Harald Teitsson að endingu.

Nýjustu fréttir

Minning
Útför: Einar Birgir Sigurjónsson
Íþróttir
Elís Þór æfði með A-landsliðinu
Aðsent
Treysti sér ekki til að vera heima og horfa á leikinn
Áhugavert
Gagnrýna samning bæjarins við rekstraraðila heilsuræktar
Sjávarútvegur
Lönduðu fullfermi í Grindavík
Aðsent
Líf og fjör á Suðurlandi: Barnamenningardagar framundan
Úr blaði Eyjafrétta
Tanja er íþróttamaður mánaðarins
Áhugavert
Tannverndarvika
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.