Sigursveinn Þórðarson, við­skipta­lögfræðingur, fékk ekki mikinn tíma til að ákveða sig þegar hann var beðinn um að taka efsta sætið á lista Hægri grænna í Suðurkjördæmi. Það var hringt í hann um miðja síðustu viku og á landsfundi flokksins á ­laugardaginn var teningunum kastað, hann var tilbúinn í slaginn. Sigur­sveinn hefur ekki áður haft afskipti af stjórnmálum en fjölskylda hans hefur yfirleitt verið tengd Sjálf­stæðis­flokknum í Vestmanna­eyjum. Í gegnum hana hefur hann fylgst vel með því sem er að gerast í pólitíkinni og á öðrum sviðum þjóðlífsins.