Eyjamaðurinn Emil Gautason og félagar hans í U-16 landslið Íslands í fótbolta léku þriðja og síðasta leik sinn á UEFA Development mótinu, gegn Írlandi í dag. Staðan var 3-3 eftir venjulegan leiktíma og fór þá fram vítaspyrnukeppni þar sem íslenska liðið tapaði, 5-4. 

Emil sem er leikmaður ÍBV, kom inn á 60. mínútu leiksins í stöðunni 2-0 fyrir Írum. Hann jafnaði leikinn fjórum mínútum fyrir leikslok í 3-3. Hann skoraði einnig úr sinni spyrnu í vítakeppninni. Bjarki Hrafn Garðarsson, leikmaður Stjörnunnar, gerði fyrstu tvö mörk Íslands í leiknum.

Liðið spilaði þrjá leiki á mótinu og kom Emil inn á í tveimur þeirra og var í byrjunarliðinu í einum. Liðið gerði jafntefli við Írland og Finnlands og tapaði gegn Lettlandi.