Gísli sækist eftir fjórða sæti

Eyjafréttir
·
Stjórnmál
·
16. október 2024

Gísli Stefánsson, bæjarfulltrúi Sjálfstæðisflokksins í Vestmannaeyjum tilkynnti á heimasíðu sinni í kvöld að hann bjóði sig fram í 4. sæti á lista flokksins í komandi alþingiskosningum. Tilkynningu Gísla má lesa í heild sinni hér að neðan.

„Framundan eru þingkosningar og Sjálfstæðisflokkurinn er farinn á fullt. Ég hef undanfarin 2 ár setið sem bæjarfulltrúi fyrir flokkinn í bæjarstjórn Vestmannaeyja og í ráði árin 4 þar á undan og fengið að njóta þessa að læra þar af mér reyndara meira fólki. Þegar ég bauð mig fram í prófkjör sem fór fram hér vorið 2o22 þá má segja að ég „hafi komið sjálfur að máli við mig“ eins og einn góður forsetaframbjóðandinn komst að orði en í þetta skipti er ég að finna fyrir stuðning frá röddum innan og utan flokksins sem mér þykir ómögulegt að neita. Ég hef því ákveðið að bjóða mig fram í 4. sæti á lista Sjálfstæðisflokksins í Suðurkjördæmi í röðun sem fer fram á kjördæmisþingi nk sunnudag, 20. október.

Ég hef haft mikinn áhuga á stjórnmálum og samfélagsmálum alla tíð og hefur sá áhugi aðeins aukist með aukinni þátttöku í stjórnmálum og flokksstarfi Sjálfstæðisflokksins. Ég hef grætt mikið á bæjarfulltrúastarfinu þó það kjörtímabil sé rétt hálfnað og séð að enn frekari þátttaka í stjórnmálum getur bara hjálpað mér við að hjálpa samfélaginu mínu hér í Eyjum. Einnig hefur starfið veitt mér góða innsýn inn í stöðu kjördæmisins sem eyjarnar eru hluti af, og má þar helst nefna bága stöðu samgöngumála víða um kjördæmið. Þar er ekki staðan aðeins bagaleg í Eyjum heldur er mál Ölfusárbrúarinnar á erfiðum stað, 13 einbreiðar brýr á þjóðvegi 1 til Hornafjarðar, efnislitlir malarvegir í uppsveitum, og svo má lengi telja.

Ég elska líka samfélagið mitt hér í eyjum og vil sjá það blómstra áfram sem hluti af raunhagkerfinu. Það mun ekki ganga nema að orkumálin komist í þann farveg sem Sjálfstæðisflokkurinn hefur verið að vinna að og rannsóknir á göngum hefist sem allar fyrst. Heilbrigðismálin og öryggi vegfarenda í kjördæminu standa enn höllum fæti þar sem enn á eftir að koma í gagnið sjúkraþyrlu á suðurlandi, verkefni sem var búið að fjármagna fyrir heimsfaraldur en var sett á ís.

Ég heiti því að starfa að þessum verkefnum ásamt öðrum mikilvægum fyrir Vestmannaeyjar, Suðurland og landið allt.”

Nýjustu fréttir

Íþróttir

Morgan Goði stal senunni í sigri ÍBV á Aftureldingu

Fréttir

Fyrsti snjór ársins loksins fallinn í Eyjum

Myndband

Vestmannaeyjar fyrri tíma lifna við í Sagnheimum

Íþróttir

Liam Daði gengur til liðs við ÍBV

Sjávarútvegur

Horfa til úthafseldis vestur af Vestmannaeyjum

Sjávarútvegur

Loðnuvertíð í hámarki

Fréttir

Perlað fyrir Kraft í Höllinni

Samgöngur

Dýpi í Landeyjahöfn ekki nægilegt nema við bestu aðstæður

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki