Golfdagurinn í Vestmannaeyjum fer fram sunnudaginn 8. júní í Golfklúbbi Vestmannaeyja. Boðið verður upp á skemmtilega kynningu á grunnatriðum golfíþróttarinnar undir handleiðslu PGA golfkennara, ásamt leikjum og grillveislu fyrir þátttakendur. Golfdagurinn er fyrir alla fjölskylduna en hér er frábært tækifæri til að kynnast golfíþróttinni!

Golfdagurinn hefst klukkan 13.00 og stendur til kl. 15.00 nk. sunnudag. Golfdagurinn er samstarfsverkefni GSÍ, KPMG, PGA og GV.