Það er ýmislegt fleira á boðastólnum í Verslun Grétars Þórarinssonar en nipplar og hné. Þegar við litum við var Jóna Gréta í miðjum klíðum að koma búðinni í jólabúning. „Það vinsælasta í jólagjöfum hjá okkur síðustu ár er án efa rúmföt sængur og koddar. Síðan erum við með ýmislegt fyrir hannyrða fólkið einnig erum við með ýmsa minni muni eins og húfur og vettlinga fyrir börn og svo eru leðurhanskarnir líka mjög vinsælir ásamt ilmkertum og sápum sem við bjóðum uppá.“ Jóna Gréta sagði þau fylgja öðrum verslunum í lengdri opnun á aðventunni og sagðist hlakka til að taka á móti gestum.

Það er líklega hvergi annars staðar í Vestmannaeyjum boðið upp á meira úrval af föndur og hannyrða vörum en í versluninni. „Það er mjög vinsælt fyrir jólin og svo eru handavinnukvöldin okkar líka stór þáttur í jólaundirbúningnum hjá okkur og hafa þau vera vel sótt þetta árið og góð stemmning,“ sagði Jóna Gréta að endingu.