Gul viðvörun: Austan hvassviðri í Eyjum

Veðurstofa Íslands hefur gefið út gular veðurviðvaranir á Suðurlandi og Suðausturlandi. Á Suðurlandi tekur viðvörunin gildi laugardaginn 3 ágúst kl. 06:00 og gildir til kl. 16:00 sama dag. Austan hvassviðri í Vestmannaeyjum og undir Eyjafjöllum (Gult ástand)

Austan 15-20 m/s syðst á svæðinu, þ.e. undir Eyjafjöllum og í Vestmannaeyjum og þar má búast við snörpum vindhviðum. Hægari vindur annars staðar á svæðinu. Tjöld geta fokið og fólk er hvatt til að huga að lausamunum. Varasamar aðstæður fyrir ökutæki sem taka á sig mikinn vind, segir í viðvörunarorðum Veðurstofunnar.

Hugleiðingar veðurfræðings

Í hugleiðingum veðurfræðings frá því síðdegis í dag segir: Myndarleg lægð á Grænlandshafi þokast nú í átt til okkar, um helgina lónar hún fyrir sunnan land og beinir til okkar austlægri átt og úrkomu með köflum.

Austan og norðaustan kaldi eða strekkingur á morgun og rigning á Suðaustur- og Austurlandi, talsverð úrkoma á Austfjörðum síðdegis. Í öðrum landshlutum verður þurrt að mestu framan af degi þó einhverjir dropar geti fallið af og til, en undir kvöld gengur úrkomusvæði vestur yfir landið og það rignir um tíma víðast hvar. Hiti 9 til 17 stig, mildast vestanlands.

Annað kvöld dregur úr vætu en um nóttina bætir í vind syðst á landinu, og fyrri part laugardags er útlit fyrir austan hvassviðri á svæðinu frá Öræfum og vestur undir Eyjafjöll, þar á meðal í Vestmannaeyjum. Varasamar aðstæður geta skapast fyrir ökutæki sem taka á sig mikinn vind auk þess sem veðrið getur haft talsverð áhrif á tjaldferðalanga. Eftir hádegi dregur smám saman úr vindi á þessum slóðum.

Í öðrum landshlutum verður vindur hægari og væta með köflum, en yfirleitt þurrt og milt á Vesturlandi og í innsveitum á Norðurlandi.

Norðaustan og austan 5-13 m/s á sunnudag og áfram svipað veður, en spár gera ráð fyrir leiðindaveðri á mánudag og er fólk hvatt til þess að fylgjast með veðurspám þegar nær dregur.
Spá gerð: 01.08.2024 15:38. Gildir til: 02.08.2024 00:00.

Nánar um veðrið.

Nýjustu fréttir

Íþróttir

Meistaramót GV hefst á morgun

Samgöngur

Ölduhæð raskar samgöngum – aðeins ein ferð farin það sem af er deginum

Goslok

Myndasyrpa frá göngumessu

Áhugavert

Myndband | 16 ára Eyjakona stefnir hátt í rallýcrossi

Úr blaði Eyjafrétta

Eva Magnúsdóttir – Félagslífið stóð upp úr

Úr blaði Eyjafrétta

Vilja herða reglur við Surtsey

Herjólfur

Stefnir á eina ferð til Landeyjahafnar fyrir hádegi

Áhugavert

Plötuútgáfan hefur verið eitt stórt ævintýri

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Hugleiðingar veðurfræðings

Nýjustu fréttir

Góð ráð fyrir siglingu

Sjóveiki