Veðurstofan hefur gefið út gula viðvörun vegna veðurs á Suðurlandi og Suðausturlandi. Tók viðvörunin gildi á Suðurlandi kl. 14:00 og gildir hún til kl. 02:00 í nótt.

Í viðvörunaroðrum segir að búist sé við að talsverð eða mikil snjókoma falli í fremur hægum vindi. Uppsöfnuð snjókoma á viðvörunartímabilinu gæti verið á bilinu 15 til 30 sentimetrar á dýpt, mest úrkoma í uppsveitum og austan til á svæðinu. Líkur eru á að snjókoma valdi erfiðum akstursskilyrðum og færð gæti spillst.

Veðurhorfur á landinu næstu daga

Á laugardag:
Norðaustan 3-8 m/s, en vestan 8-13 á Suður- og Vesturlandi. Snjókoma með köflum í flestum landshlutum. Vægt frost.

Á sunnudag:
Breytileg átt 3-8 og bjartviðri, en snjókoma af og til á norðanverðu landinu, einkum við ströndina. Frost 2 til 12 stig, mest í uppsveitum sunnanlands.

Á mánudag:
Norðaustan 5-10, en 10-15 með austurströndinni. Skýjað norðaustan- og austanlands, annars víða bjart veður. Áfram frost um allt land.

Á þriðjudag og miðvikudag:
Fremur hæg norðlæg eða breytileg átt. Él á norðanverðu landinu, einkum við ströndina, en víða þurrt og bjart veður í öðrum landshlutum. Frost 3 til 13 stig, kaldast inn til landins.
Spá gerð: 23.01.2025 08:57. Gildir til: 30.01.2025 12:00.