„Á dögunum hætti Guðmundur Jóhannsson, eða Gúndi í Eyjaís að vinna hjá fyrirtækinu, hann hefur svo sannarlega skilað sínu og rúmlega það enda starfað samfleytt frá árinu 1986 þegar Eyjaís var byggt,“ segir á FB-síðu Hafnareyrar ehf.  sem er þjónustufyrirtæki til sjós og lands í eigu Vinnslustöðvarinnar. Um er að ræða löndunarþjónustu, frystigeymslur og umsjón fasteigna. Er Gúnda þakkað samstarfið og góðs gengis.

Á myndinni má sjá Trausta Hjaltason framkvæmdastjóra, Hafnareyrar afhenda Guðmundi úr í þakklætisskyni fyrir vel unnin störf. Sjálfur er Trausti að hætta hjá Hafnareyri.