„Í bráðum 40 ár hafa Eyjafréttir komið að því að veita efnulegu knattspyrnufólki viðurkenningu, Fréttabikarinn. Því miður er ég fjarri góðu gamni í dag en vil byrja á að óska þeim Viggó Valgeirssyni og Helenu Heklu Hlynsdóttur til hamingju. Ykkar er framtíðin en þið eruð líka framtíð ÍBV og okkar allra sem viljum sjá ÍBV í fremstu röð í fótboltanum,“ sagði í kveðju sem Bjarni Ólafur, veislustjóri á lokahófi fótboltans kom á framfæri frá Eyjafréttum.
„Við erum komnir í hóp þeirra bestu í karlaboltanum. Þökk sé Hemma, strákunum, knattspyrnuráði og öðrum sem standa að baki liðsins. Til hamingju Hemmi, liðið allt, knattspyrnuráð, ÍBV og við öll. Sjálfur vil ég sjá Hemma áfram við stjórnvölinn. Og Jón Óli, þú reddar þessu næsta ár,“ segir í kveðjunni sem Ómar Garðarsson, ritstjóri Eyjafrétta skrifar undir.
