Hraðskákmeistamót Vestmannaeyja 2025 verður haldið fimmtudaginn 1. maí nk.  kl. 13.00 í skákheimili TV að Heiðarvegi 9. Tímamörk á hvorn keppenda   5 mín. + 3 sek. fyrir hvern leik  og má reikna með að hver skák taki  10-12 mín.

Hraðskákmeistaramótið gefur skákstig eftir reglum Fide. Skráning keppenda fer fram hjá skákstjóra Sæmundi Einarssyni  á netfangið saemi.einars@gmail.com eða á skákstað frá kl. 12.30 keppnisdaginn.

Hallgrímur tekinn við formennsku

Aðalfundur Taflfélagsins var  haldinn 24. mars sl. Í skýrslu stjórnar kom fram að starfsemin hafði verði í föstum skorðum, Skákþingi  Vestmannaeyja      2025 og seinni hluta Íslandsmóts skákfélaga 2024-25  var þá nýlokið en TV var með þrjár keppnisveitir á mótinu.  Skákkennsla fyrir ungmenni í Grunnskóla Vm. á vegum TV fer fram einu sinni í viku á haust- og vorönn í skákheimilinu.

Karl Gauti Hjaltason,  sem verið hefur formaður TV frá 2023 gaf ekki kost á sér til endurkjörs þar sem hann var kjörinn alþingismaður 30. nóv sl..  Í hans stað var Hallgrímur Steinsson kjörinn formaður og gjaldkeri  og  Sæmundur Einarsson varaform./ritari og aðrir í stjórn  eru Sigurjón Þorkelsson, Auðunn Haraldsson og Ágúst Ómar Einarsson.

Á árinu 2026 verða  100 ár liðin frá stofnun  Taflfélags Vm.  Í afmælisnefnd voru kjörnir, fyrrv. og núv. form TV, þeir  Arnar Sigurmundsson,  Karl Gauti Hjaltason, og Hallgrímur Steinsson og munu þeir leggja fram tillögur á hvern hátt félagið hyggst  minnast þessa merkisatburðar á afmælisárinu, segir í tilkynningu frá TV.