Hvað á að gera við góða bæinn?

Eyjafréttir
·
Fréttir
·
9. maí 2022

Eftir að hafa fylgst með störfum bæjarstjórnar síðustu fjögur ár og eftir að hafa rætt við stóran hóp bæjarbúa um málefni okkar Vestmannaeyinga langar mig í framhaldinu að nefna hér nokkur mál sem ég held að eigi fullt erindi við okkur kjósendur.

Við treystum Eyjalistanum til þess að standa áfram vörð um ríflegan frístundastyrk til eflingar tómstundastarfi barna og unglinga. Við treystum því einnig að Eyjalistinn efli starf Íþrótta-, æskulýðs og tómstundafulltrúa.
Við treystum Eyjalistanum til að styrkja straf fjölmenningarfulltrúa þannig að fólk af erlendum uppruna fái sem greiðastan aðgang að samfélaginu.
Við treystum Eyjalistanum til að halda áfram kraftmikilli heilsueflingu eldra fólks. Við treystum honum einnig til að byggja upp þjónustuíbúðir fyrir aldraða og nýtt hjúkrunarheimili.
Við treystum Eyjalistanum til að standa fyrir raunhæfri uppbyggingar leikskóla til framtíðar og stefnu hans um að halda gjaldskrá og fæðiskostnað leikskóla og frístundar niðri.
Við treystum Eyjalistanum til að styðja aukna möguleika grunn-, og leikskólakennara til símenntunar. Þá treystum við Eyjalistanum til að efla áfram sérkennsluúrræði fyrir nemendur og halda áfram tæknivæðingu grunnskólans.
Við treystum Eyjalistanum til að styðja áfram við ferðamálasamtökin í Vestmannaeyjum svo og að styðja við hvers konar menningarstarfsemi á fjölbreyttum sviðum.
Við treystum Eyjalistanum til að vera áfram í árangursríku samstarfi við íþróttahreyfinguna við að móta íþróttastefnu Vestmannaeyja til framtíðar.
Við treystum Eyjalistanum í umhverfismálum og stefnu hans til að koma Vestmannaeyjum í forystuhlutverk meðal sveitarfélaga í endurvinnslu sorps.

Komist Sjálfstæðismenn til valda í Vestmannaeyjum í kosningunum á laugardaginn erum við fullviss um að þessum mikilvægu félagslegu málum öllum og fjölmörgum öðrum verður fórnað. Við höldum nefnilega að þau henti ekki sérhagsmunastefnu þeirri sem einkennir þann flokk eins og kunnugt er.

Slagorð Eyjalistans „Gerum góðan bæ betri,“ á því kannski aldrei eins brýnt erindi við okkur Vestmannaeyinga eins og einmitt nú. Við skulum því standa saman gera góða bæinn betri.

Ragnar Óskarsson

P.S.

Hann Grímur, sem nú vill láta kalla sig Grím bæjó og er einn helsti talsmaður Sjálfstæðisflokksins í Vestmannaeyju auk þess að vera orðinn umboðsmaður Gróu á Leiti eyddi miklu púðri í mig í grein hér í gær. Hvet ég fólk eidregið til að lesa greinina. Þess utan vil ég segja: Ég vona að Grímur haldi áfram að vakna hress og jákvæður á morgnanna í sínu lítillæti og hógværð og upplifi sig ávallt sem mesta Vestmannaeying í heimi.

Nýjustu fréttir

Íþróttir

Jafnt hjá ÍBV og Fram í Lengjubikar kvenna

Íþróttir

Tómas Bent og félagar í Hearts aftur á sigurbraut

Íþróttir

ÍBV vann Suðurlandsslaginn

Aðsend grein

Öflug barátta og samstaða skipar öndvegi í framtíð Eyjanna

Bæjarmálin

Engin börn í vistun utan Vestmannaeyja

Bæjarmálin

Grípa þarf til aukasundkennslu eftir langvarandi lokun

Íþróttir

Suðurlandsslagur í Eyjum

Fréttir

Herjólfur til Landeyjahafnar seinni partinn

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki