Heil umferð fer fram í Lengjudeild kvenna í kvöld. Í fyrsta leik kvöldsins tekur ÍBV á móti Grindavík á Hásteinsvelli. ÍBV liðið er komið á gott skrið eftir slæma byrjun. Liðið hefur sigrað fjóra síðustu leiki og nú síðast sigruðu þær lið Gróttu á útivelli. Liðið er sem stendur í þriðja sæti deildarinnar með 19 stig en leiknar hafa verið 12 umferðir.

Grindavík er í áttunda sæti með 14 stig, 4 stigum meira en Selfoss sem er í sætinu fyrir neðan. Grindavíkur-liðið hefur ekki náð að sigra í þremur síðustu viðureignum. Flautað er til leiks á Hásteinsvelli klukkan 18.00.

Leikir kvöldsins: