Ársþingi KSÍ lauk með kosningu til stjórnar síðdegis í dag. Á þinginu var Þorvaldur Örlygsson kjörinn formaður. Hafði hann betur gegn þeim Guðna Bergssyni og Vigni Má Þormóðssyni.

Sjö manns voru í framboði um fjögur laus sæti í stjórn. Eyjamaðurinn Ingi Sigurðsson var einn þeirra sjömenninga sem í framboði voru.

Ingi hlaut næst flest atkvæði, eða 100 talsins. Flest atkvæði hlaut Þorkell Máni Pétursson 114 atkvæði.

Eftirtaldir voru í framboði um þessi fjögur sæti og skiptust atkvæðin á eftirtalinn hátt:

• Ingi Sigurðsson – 100 atkvæði
• Pálmi Haraldsson – 84 atkvæði
• Pétur Marteinsson – 39 atkvæði
• Sigfús Ásgeir Kárason – 73 atkvæði
• Sigurður Örn Jónsson – 42 atkvæði
• Sveinn Gíslason – 76 atkvæði
• Þorkell Máni Pétursson – 114 atkvæði

Eftirtaldir munu sitja í stjórn KSÍ til næstu tveggja ára:

• Ingi Sigurðsson
• Pálmi Haraldsson
• Sveinn Gíslason
• Þorkell Máni Pétursson

Tveggja ára kjörtímabili eftirtalinna í stjórn KSÍ lauk rétt í þessu:

• Borghildur Sigurðardóttir
• Ívar Ingimarsson
• Sigfús Ásgeir Kárason
• Pálmi Haraldsson

Auk Inga, Pálma, Sveins og Þorkels Mána sitja Halldór Breiðfjörð Jóhannsson, Helga Helgadóttir, Tinna Hrund Hlynsdóttir og Unnar Stefán Sigurðsson í stjórn og lýkur kjörtímabili þeirra í febrúar 2025.

Kosning aðalfulltrúa landsfjórðunga

Tveggja ára kjörtímabili eftirtalinna aðalfulltrúa landsfjórðunganna lauk á 78. ársþingi KSÍ:

• Eva Dís Pálmadóttir – Austurland
• Oddný Eva Böðvarsdóttir – Vesturland
• Ómar Bragi Stefánsson – Norðuland
• Trausti Hjaltason – Suðurland

Eftirtaldir buðu sig fram sem aðalfulltrúar landsfjórðunga til tveggja ára og voru þau sjálfkjörin:

• Guðmundur Bj. Hafþórsson – Austurland
• Trausti Hjaltason – Suðurland
• Tryggvi Gunnarsson – Norðurland
• Þorsteinn H. Harðarson – Vesturland