Kór Landakirkju heldur árlega jólatónleika sína miðvikudaginn 14. desember og hefjast þeir kl. 20:00. Dagskráin verður sneisafull af hátíðlegum og hrífandi jólalögum líkt og undanfarin ár en kórinn hefur verið við stífar æfingar frá því snemma í haust.

Tónleikarnir eru tvískiptir rétt eins og undanfarin ár en dagskráin hefst í sal safnaðarheimilis Landakirkju og líkur svo upp í Landakirkju. Gissur Páll Gissurarson syngur einsöng með kórnum sem er dyggilega stýrt af Kitty Kovács organista Landakirkju sem leikur undir á píanó og orgel. Miðaverði er 3.000 krónur.