Kunnuglegt stef - Eyjafréttir

Eyjafréttir
·
Fréttir
·
3. september 2021

Kunnuglegt stef

Andrés Sigurðsson ræðst nokkuð harkalega að minni persónu og æru í grein sem hann fékk birta á vef eyjafrétta nú í morgun. Þar segir hann mig beita bæjarbúa blekkingum, að ég búi yfir vanþekkingu og ég og aðrir Framsóknarmenn skreytum okkur með stolnum fjöðrum. Þetta síðasta er reyndar kunnuglegt stef sem ég tel mig hafa lesið einhvern tíman áður.

Minn góði vinur, Geir Jón Þórisson sem þá var varaþingmaður sjálfstæðisflokksins, sagði í jómfrúarræðu sinni í þinginu árið 2014 að ólíðandi væri að viðbótargjald legðist á íbúa í Vestmannaeyjum þegar ekki væri hægt að sigla til Landeyjahafnar. Um það leyti hófst íhugun sjálfstæðismanna.

Þá var samgönguráðherra sjálfstæðiskonan Hanna Birna Kristinsdóttir og ekkert gerðist. Síðan varð sjálfstæðiskonan Ólöf Nordal samgönguráðherra og ekkert gerðist. Síðan varð sjálfstæðismaðurinn Jón Gunnarsson samgönguráðherra og ekkert gerðist.
Síðan varð Framsóknarmaðurinn Sigurður Ingi Jóhannsson samgönguráðherra og allir vita hvað gerðist þá!

Um það að ég eða mitt samstarfsfólk í bæjarstjórn hafi reynt að stöðva smíði nýrrar ferju eða hindra dýpkun úr landi í Landeyjahöfn er einfaldlega svo mikið bull að það tekur því ekki að eyða orðum í að svara því.

Eitt ætla ég þó að segja: Áður en Framsóknarmaðurinn Sigurður Ingi tók við ráðuneyti samgöngumála og núverandi meirihluti bæjarstjórnar kom til sögunnar var í gildi dýpkunarsamningur sem fól í sér að ekki væri gert ráð fyrir dýpkun stóran hluta af árinu, jafnvel þó skilyrði til þess væru hagstæð. Ekki veit ég hversu margir samgönguráðherrar sjálfstæðisflokksins íhuguðu að breyta þessu áður en sá sem nú situr við völd tók af skarið!
Ég ætla ekki að eigna mér eða Framsóknarflokknum allt enda væri það ósanngjarnt. En mér finnst samt alveg ótrúlegt að það virðist vera lenska hjá sjálfstæðismönnum (og sömuleiðis ákveðnu fólki sem ekki tilheyrir neinu framboði) að ekki megi hrósa fyrir það sem vel er gert án þess að ráðast að þeim sem það gera.

Við þurfum að komast út úr því. Það má hrósa fyrir það sem vel er gert, jafnvel þó við séum ekki alltaf sammála um allt. Er það ekki annars?

Í lokaorðum sínum segir Andrés að best sé að gefa Framsóknarflokknum frí. Ég tel frekar að gefa þurfi þeim frí sem sífellt íhuga góð framfaramál án þess þó að framkvæma þau!
Njáll Ragnarsson

Nýjustu fréttir

Áhugavert

Eldsneytisvandi í Eyjum

Sjávarútvegur

Segir þingmenn tala öðruvísi í Eyjum en í Reykjavík

Íþróttir

Emil Gautason í lokahóp u-16

Aðsend grein

Vatnslögnin er stærsta hagsmunamál íbúa í Eyjum

Áhugavert

Fyrstu borsýni komin upp úr jörðu

Samgöngur

Dýpkun gekk ágætlega í gærkvöldi

Aðsend grein

Öflugur rekstur lykilatriði

Áhugavert

Rúmlega hundrað konur á Mey kvennaráðstefnu

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki