Bæði karla- og kvennalið ÍBV í fótbolta voru í eldlínunni í dag í Lengjubikarnum. Karlaliðið spilaði gegn Leikni á Hásteinsvelli. Leiknum lauk með 3-1 sigri heimamanna. Viggó Valgeirsson, Hermann Þór Ragnarsson og Mattias Edeland skoruðu mörk ÍBV. 

Kvennaliðið leikur í A-deild og spilaði gegn Tindastól í Akraneshöllinni. Leiknum lauk með 16-0 stórsigri ÍBV. Mörk Eyjakvenna skoruðu, Olga Sevcova 4 mörk, Milena Mihaela Patru 2, Fridikka Marie Clementsen 2, Kristín Klara Óskarsdóttir 2, Avery Mae Vanderven 1, Magdalena Jónasdóttir 1, Allison Grace Lowrey 2 og Tanja Harðadóttir 2. 

Bæði lið voru að leika fyrstu leiki sína í Lengjubikarnum þetta árið. Stelpurnar spila næsta leik gegn Valskonum, laugardaginn 14. febrúar kl 14:00, á Hlíðarenda. Strákarnir fara í Kaplakrika og spila gegn FH, fimmtudaginn 12. febrúar kl. 18:00.