Í tilkynningu frá Landsneti og HS Veitum er varað við mögulegum rafmagnstruflunum á milli klukkan 10:00 og 15:00 á morgun, sunnudaginn 16. júlí.

„Undanfarna viku hefur undirbúningur fyrir viðgerð á Vestmannaeyjastreng 3 staðið yfir á sjó og á Landeyjasandi. Á morgun verður vinna í gangi í Vestmannaeyjum sem mögulega gæti leitt til rafmagnstruflana. Næstu daga mun elsti strengurinn til Eyja og varaflsvélar sjá Vestmannaeyjum fyrir rafmagni þar til viðgerð á Vestmannaeyjastreng 3 lýkur. Nánari upplýsingar um viðgerðina er að finna á www.landsnet.is.”

„Hvetjum við til þess að farið verði sparlega með rafmagn á meðan á þessu stendur og minnum á að ef til truflana kemur munum við birta upplýsingar á bæði heimasíðu og samfélagsmiðlum Landsnets og HS Veitna” segir í tilkynningunni.

Landsnet og HS Veitur þakka fyrir skilninginn og þolinmæðina.