Nú er hlé á Íslandsmótinu í kvennaknattspyrnu enda íslenska landsliðið að spila á lokamóti EM í Svíþjóð. Leikmenn ÍBV slá hins vegar ekkert slöku við og æfa stíft fyrir lokaátökin í Íslandsmótinu en á laugardaginn tekur liðið á móti bandarísku háskólaliði en leikur liðanna hefst klukkan 15:15. Sparisjóður Vestmannaeyja og Vélaverkstæðið Þór bjóða Eyjamönnum og gestum þeirra á völlinn og þarf því ekkert að greiða fyrir að horfa á leikinn.