Marhólmar og pólskt fyrirtæki með nýja síldarrétti á markaði í Finnlandi

„Við vinnum norsk-íslenska síld frá Vinnslustöðinni og flytjum í flökum til Póllands þar sem hún er sett á bakka með mismunandi kryddi, sósum, grænmeti og ávöxtum og send þannig áfram til Finnlands, sem hefur um árabil verið mikilvægasti síldarmarkaður okkar, og seld undir vörumerkinu Vestmans.

Þetta er nýr áfangi, árangur vöruþróunarferlis og vinnslu í Vestmannaeyjum. Lykilþátturinn er góð veiðistjórn sem tryggir ferskasta hráefnið. Síðan fer saman vönduð flökun og bitavinnsla hjá VSV annars vegar og vöruþekking Marhólma og sérhæfing við söltun og marineringu á síldinni hins vegar. Slík samvinna við veiðar og vinnslu tryggir bestu vörugæði sem völ er á,“ segir Hilmar Ásgeirsson, framkvæmdastjóri fyrirtækisins.

Byrjað var að selja síldarbakkana umræddu fyrr á þessu ári og viðbrögð finnskra neytenda lofa afar góðu. Á hverjum bakka er 180 gramma skammtur, þar af um 90 grömm af síld í flökum eða bitum. Nú þegar hafa sjö tilbrigði síldarbakka séð dagsins ljós í verslunum í Finnlandi en þau verða fleiri, allt eftir viðbrögðum neytenda og árstíðum. Til dæmis munu birtast síldarréttir sérsniðnir að hátíðum jóla eða páska eða með léttara yfirbragði í tilefni sumarkomu.

Finnar vilja síld með litlu ediki og mildu bragði. Þeir hafa gjarnan soðnar kartöflur og brauð með. Kaupendur hafa um margar mismunandi útfærslur síldarréttanna að velja. Þar má til að mynda nefna léttar sósur með sýrðan rjóma sem uppistöðu, kryddjurtir, karrí, piparrót, gúrku, rauðrófu, ferskjur, trönuber, dill eða kóríander. Réttirnir á bökkunum hafa mun styttri „líftíma“ (geymsluþol) en síld í krukkum eða dósum, einungis 30-45 daga. Samstarf við pólska matvælafyrirtækið hentar því vel vegna landfræðilegrar nálægðar við finnska markaðinn.

Sterk hefð er fyrir síld og síldarréttum í matarmenningu Finna, Svía, Norðmanna og Dana. Eyjafyrirtækið Marhólmar hefur langa og farsæla reynslu af því að framleiða og selja norrænum grönnum okkar og frændum síld og síldarafurðir. Ætla mætti að síldarsmekkur Norðurlandabúa væri svipaður eða jafnvel sá hinn sami en svo er nú ekki, segir Hilmar:

„Það getur verið umtalsverður munur á því hvernig norrænu þjóðirnar vilja hafa síldina sína. Við verðum í raun að hafa sérstaka uppskrift að síldarafurðum handa hverri þeirra!“

Vinnslustöðin á meirihluta í Marhólmum á móti stjórnendum og frumkvöðlum fyrirtækisins, Halldóri Þórarinssyni og Hilmari Ásgeirssyni. Marhólmar sérhæfa sig í framleiðslu á síldarréttum, hrognum, masago og fleiri vörum. Fyrirtækið hefur sterka stöðu á Finnlandsmarkaði og er þar með skrifstofu sem Jussi-Pekka Mäntylä veitir forstöðu.

Nýjustu fréttir

Goslok

Leikhópurinn Lotta sýnir Litaland

Fréttir

Terra fær ekki samþykktar breytingar á gjaldskrá

Íþróttir

ÍBV og FH skiptu með sér stigunum

Aðsend grein

Stærstu viðskiptafréttir í sögu Vestmannaeyja

Úr blaði Eyjafrétta

Pétur Bjarna, Eyjamaður og sjávarútvegsfræðingur

Íþróttir

Frábæru Orkumóti lokið – FH varð Orkumótsmeistari

Íþróttir

ÍBV sækir botnlið FH heim

Samgöngur

Breytt siglingaáætlun Baldurs næstu daga

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki