Matey - Suður-Evrópskir verðlaunakokkar
Marco Sobral, vinningshafi frá Portúgal ásamt félögum.

Concurso Escuelas de Cocina de Bacalao de Islandia, (CECBI) er heitið á verkefni sem gengur út á að kynna íslenskan saltfisk fyrir matreiðslunemum á Spáni, Ítalíu og Portúgal. „Verkefnið er hluti af markaðsstarfi Seafood from Iceland. CECBI hefur verið í mótun frá árinu 2015 og er í dag orðið vel þekkt á meðal nemenda og matreiðslumanna í þessum löndum, sem eru aðalneyslusvæði saltfisks. Hluti af CECBI er keppni þar sem besti saltfiskkokkur hvers lands er valinn,“ segir Björgvin Þór Björvinsson hjá Íslandsstofu.

Marta Oti frá Spáni.

Sigurvegararnir fá í verðlaun ferð til Íslands til þess að kynnast uppruna þessarar hágæða vöru sem íslenski saltfiskurinn er en líka til þess að miðla og vera fulltrúi síns lands. „CECBI kokkarnir verða hluti af dagskrá Mateyjar þetta árið og verða viðstödd setningu hátíðarinnar í kvöld. Smakka það sem þar verður boðið fram. Heimsækja saltfiskvinnslu og fá að upplifa allt það besta sem Vestmannaeyjar hafa upp á að bjóða. Rúsínan í pylsuendanum verður svo hádegisverður í Herjólfsbæ í Herjólfsdal þar sem þau munu elda og bjóða sigurréttina fyrir valda gesti. Þannig má segja að þetta séu gagnkvæm skipti á þekkingu, þau kynnast Íslandi og við fáum að njóta saltfisksmatargerðar í sérflokki,“ sagði Björgvin Þór.

Alessandro Abbrescia frá Ítalíu.

Vinnslustöðin með þeim stærstu

Slagorð verkefnisins hefur verið, Se necesita un pueblo eða það þarf heilt þorp til að ná árangri. Ekki hægt að ímynda sér betri vettvang heldur en Vestmannaeyjar og Matey til þess að fá innsýn í hvernig samfélagið vinnur saman að því að búa til framúrskarandi gæðavöru úr sjónum.

„Þetta verkefni er dæmi um vel heppnað markaðsstarf fyrir þessa flottu vöru sem saltfiskurinn okkar er. Vinnslustöðin í Eyjum er í dag einn stærsti framleiðandi á saltfiski á Íslandi. Félagið keypti sig inn í portúgalskt fyrirtæki árið 2019 sem hefur styrkt böndin enn frekar,“ segir Björgvin og er mikil tilhlökkunin í hópnum.

Nýjustu fréttir

Fréttir
Álfsnes úr leik vegna bilunar
Stjórnmál
Trausti opnar kosningaskrifstofu í gamla TM Húsinu
Áhugavert
Strangar kröfur í útboði heilsuræktar vekja ágreining í bæjarstjórn
Stjórnmál
Davíð Oddsson fallinn frá
Íþróttir
ÍBV strákarnir urðu einnig Powerade bikarmeistarar í 3. flokki
Samgöngur
Dýpið mælt í Landeyjahöfn
Íþróttir
ÍBV Powerade bikarmeistari í 3. flokki kvenna
Myndband
Mars heilsar með frosti
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.