- Eyjafréttir
- ·
- Fréttir
- ·
Natasha ólétt og spilar ekki með ÍBV í sumar
Natasha Anasi, varnarmaður ÍBV, er ólétt en hún á von á barni í júní. Natasha verður því ekki með ÍBV í Pepsi-deildinni á komandi tímabili. Fotbolti.net greinir frá.
Hin bandaríska Natasha hefur verið í stóru hlutverki í vörn ÍBV undanfarin þrjú tímabil.
Síðastliðið sumar var hún valin í úrvalslið tímabilsins hjá Fótbolta.net.
�??Hún var ein af bestu leikmönnum deildarinnar í fyrra og var frábær fyrir okkur. �?ar voðalega lítið sem ég get gert í þessu. Hennar verður sárt saknað en við finnum annan leikmann í staðinn,” sagði Ian Jeffs, þjálfari ÍBV, í samtali við Fótbolta.net í dag.
Adrienne Jordan, Kristín Erna Sigurlásdóttir, Adelaine Gay og Katie Kraeutner hafa gengið til liðs við ÍBV í vetur auk þess sem lykilleikmennirnir Cloe Lacasse, Sóley Guðmundsdóttir, Shaneka Gordon og Sigríður Lára Garðarsdóttir hafa framlengt samninga sína.
Shaneka verður með ÍBV á ný eftir að hafa misst af öllu síðasta tímabili vegna meiðsla.
