Bæjarfulltrúar Sjálfstæðisflokksins lögðu fram tillögu á bæjarstjórnarfundi í gær um að nýstofnuðum fyrirtækjum verði gert kleift að sækja endurgreiðslu í sjóð hjá sveitarfélaginu að hámarki 200.000 kr. vegna opinberra gjalda sem þau greiða til sveitarfélags (á borð við fasteignagjöld, leyfis- og lóðagjöld) og falla til á fyrsta starfsári félagsins. Ekki er um að ræða endurgreiðslu vegna launakostnaðar.

Fyrsta ár í rekstri nýrra fyrirtækja er oft kostnaðarsamt og mikilvægt að Vestmannaeyjabær leggi sitt af mörkum til að styðja við nýsköpun, vöxt og fjölbreytni atvinnulífs í samfélaginu og dragi úr hindrunum sem felast í opinberum álögum. Málið var samþykkt samhljóða í bæjarstjórn og vísað til bæjarráðs til nánari útfærslu.

Helga Kristín Kolbeins
Hildur Sólveig Sigurðardóttir
Trausti Hjaltason
Eyþór Harðarson
Aðal- og  varabæjarfulltrúar Sjálfstæðisflokksins.