Börnin voru tekin tali fyrir 14. tbl. Eyjafrétta.

Fullt nafn: Andrea Ósk Jónsdóttir.

Aldur: 8 ára.

Fjölskylda: Mamma mín heitir Kristín Ósk, pabbi minn Jón Helgi/Nonni og stjúpa Kata Laufey. Svo á ég sex systkini og einn hund, hana Perlu.  

Hvað ætlar þú að gera í framtíðinni? Vinna á leikskóla og í bakaríi. Líka verða nuddari. 

Hvað hefur þú farið oft á Þjóðhátíð? 3-4 sinnum held ég. 

Hvað er það besta við Þjóðhátíð? Að sitja í Brekkunni og syngja með fólkinu mínu!  

Hvað er uppáhalds þjóðhátíðarlagið þitt? Lífið er yndislegt. 

Hvað myndir þú kaupa þér í sjoppunni í Dalnum? Hatt, línusprey, hárkollu og glowsticks. 

Ertu með ráð til fullorðna fólksins? Hafa gaman!  

Fullt nafn: Hákon Dagur Hafliðason.

Aldur: 8 ára.

Fjölskylda: Sigurbjörg Jóna er mamma mín og Hafliði Sigurðarson er pabbi minn, á líka systir sem heitir Þorbjörg Sara. 

Hvað ætlar þú að gera í framtíðinni? Vera fótboltamaður. 

Hvað hefur þú farið oft á Þjóðhátíð? Þetta verður sjöunda skiptið mitt. 

Hvað er það besta við Þjóðhátíð? Brennan er skemmtilegust. 

Hvað er uppáhalds þjóðhátíðarlagið þitt? Veit ekki, kannski bara Töfrar með Jóhönnu Guðrúnu. 

Hvað myndir þú kaupa þér í sjoppunni í Dalnum? Vatn og snakk. 

Ertu með ráð til fullorðna fólksins? Bara sitja í Brekkunni og haga sér vel. 

Fullt nafn: Sveinn Georg Sindrason.

Aldur: 7 ára.

Fjölskylda: Mamma Elín, pabbi Sindri og Sandra Dís og Agnar Smári. 

Hvað ætlar þú að gera í framtíðinni? Vera fótboltamaður. 

Hvað hefur þú farið oft á Þjóðhátíð? 7 sinnum held ég. 

Hvað er það besta við Þjóðhátíð? Skemmtiatriðin á sviðinu og BMX bros. 

Hvað er uppáhalds þjóðhátíðarlagið þitt? Þúsund hjörtu. 

Hvað myndir þú kaupa þér í sjoppunni í Dalnum? Byssu. 

Ertu með ráð til fullorðna fólksins? Veit ekki… skemmta sér fallega? 

Fullt nafn: Eyrún Stella Einarsdóttir. 

Aldur: 8 ára.

Fjölskylda: Pabbi heitir Einar, mamma heitir Heba og svo á ég lítinn bróðir sem heitir Bjarki Þór. 

Hvað ætlar þú að gera í framtíðinni? Verða fótboltastjarna hjá ÍBV. 

Hvað hefur þú farið oft á Þjóðhátíð? Þrisvar sinnum og er mjög spennt að fara núna á númer fjögur. 

Hvað er það besta við Þjóðhátíð? Að hlusta á lögin í Dalnum og fá allskonar sprey í hárið. 

Hvað er uppáhalds þjóðhátíðarlagið þitt? Töfrar með Jóhönnu Guðrúnu. 

Hvað myndir þú kaupa þér í sjoppunni í Dalnum? Nammi og dót sem afi gefur mér. 

Ertu með ráð til fullorðna fólksins? Ég ráðlegg fullorðna fólkinu að fara með börnin sín í sjoppuna og versla nammi og dót. 

Fullt nafn: Elísabet Guðrún Hafsteinsdóttir. 

Aldur: 9 ára.

Fjölskylda: Haffi, Heiða, Sæmi og Berglind. Og Nói hundurinn okkar. 

Hvað ætlar þú að gera í framtíðinni? Vera fótboltakona og kannski sálfræðingur. 

Hvað hefur þú farið oft á Þjóðhátíð? Alltaf síðan ég var fjögurra ára. 

Hvað er það besta við Þjóðhátíð? Vera með fjölskyldunni, horfa á brennuna, vera í brekkusöng… ég elska Þjóðhátíðina! 

Hvað er uppáhalds þjóðhátíðarlagið þitt? Þar sem hjartað slær. 

Hvað myndir þú kaupa þér í sjoppunni í Dalnum? Línusprey og kannski flotta grímu. 

Ertu með ráð til fullorðna fólksins? Að skemmta sér vel, fara varlega og vera glöð.

Fullt nafn: Saga Margrét Sindradóttir. 

Aldur: 7 ára.

Fjölskylda: Mamma mín heitir Þórsteina og Pabbi minni Sindri, svo á ég tvö eldri systkini þau Eddu Dögg og Nökkva Dan. 

Hvað ætlar þú að gera í framtíðinni? Þegar ég verð stór langar mig að verða hárgreiðslukona og tannlæknir. 

Hvað hefur þú farið oft á Þjóðhátíð? Þetta er fimmta Þjóðhátíðin mín. Ég hef farið á allra þær sem haldnar hafa verið síðan ég fæddist. 

Hvað er það besta við Þjóðhátíð? Mér finnst mjög gaman að dansa og syngja á litla danspallinum. 

Hvað er uppáhalds þjóðhátíðarlagið þitt? Eyjanótt er uppáhalds þjóðhátíðarlagið mitt sem ég söng í söngvakeppninni í fyrra. Mér finnst einnig Þúsund hjörtu með Emmsjé Gauta mjög gott líka. 

Hvað myndir þú kaupa þér í sjoppunni í Dalnum? Nammi sem er eins og tunga og kemur slím út úr henni. 

Ertu með ráð til fullorðna fólksins? Að skemmta sér mjög vel á þjóðhátíðinni.