Eyjamaðurinn Arnar Pétursson, þjálfari íslenska kvennalandsliðsins í handbolta hefur valið 18 manna leikmannahóp sem tekur þátt í tveimur leikjum gegn Svartfjallalandi, í undankeppni Evrópumótsins sem fram síðar á þessu ári.

Eyjakonan og leikmaður ÍBV, Sandra Erlingsdóttir er í hópnum ásamt tveimur öðrum Eyjakonum, þeim Díönu Dögg Magnúsdóttur, sem leikur með Blomberg-Lippe og Elísu Elíasdóttur, sem leikur með Val.

Ísland mætir Svartfjallalandi á Ásvöllum, miðvikudaginn 4. mars og síðan aftur ytra sunnudaginn 8. mars. Ísland er á botni riðilsins í undankeppni EM, án stiga, eftir tap gegn Færeyjum og Portúgal. Hópurinn kemur saman til æfinga 2. mars.

Hópinn í heild sinni má sjá hér að neðan:

Markverðir:
Hafdís Renötudóttir, Valur, (77/5).
Sara Sif Helgadóttir, Haukar (21/0).
Aðrir leikmenn:
Alfa Brá Oddsdóttir Hagalín, Fram (16/11).
Andrea Jacobsen, HSG Blomberg-Lippe (66/116).
Dana Björg Guðmundsdóttir, Volda (19/44).
Díana Dögg Magnúsdóttir, HSG Blomberg-Lippe (72/97).
Elín Klara Þorkelsdóttir, IK Sävehof (33/119).
Elín Rósa Magnúsdóttir, HSG Blomberg-Lippe (38/78).
Elísa Elíasdóttir, Valur (29/26).
Katrín Anna Ásmundsdóttir, Fram (20/27).
Katrín Tinna Jensdóttir, ÍR (34/35).
Lovísa Thompson, Valur (37/70).
Matthildur Lilja Jónsdóttir, ÍR (7/1).
Rakel Oddný Guðmundsdóttir, Haukar (10/6).
Sandra Erlingsdóttir, ÍBV (45/185).
Sara Dögg Hjaltadóttir, ÍR (3/12).
Thea Imani Sturludóttir, Valur (98/224).
Þórey Anna Ásgeirsdóttir, Valur (54/88).