Símtölin og facebook
Mikið hefur verið byggt í Vestmannaeyjum á síðustu árum og skortur á byggingalóðum.
Eyþór Harðarson

„Sæl og blessuð – var að spá hvort þið vissuð ekki af prófkjörinu hjá Sjálfstæðisflokknum ?“

Nokkurn veginn svona hafa mörg símtöl byrjað hjá mér síðustu daga, í þeirri baráttu sem ég henti mér í með því að bjóða mig fram í forystusætið hjá flokknum fyrir næsta kjörtímabil. Til viðbótar við símtölin, þá hef ég sent vinabeiðnir á fjölda fólks sem ég kannast við. Örugglega spyrja sumir sig „hvurn djöfulinn er hann að senda mér vinabeiðni“ ? Flestir samþykkja beiðnina en sumir eru varasamir og láta ekki svona pólitíkus bora sig inní facebook líf þeirra.

Ef maður ætlar að ná árangri í prófkjöri, þá þarf að kynna sig með einum eða öðrum hætti. Facebook og síminn eru góðir miðlar til að ná til fólks. Ég hef nýtt mér það að því marki sem mér er unnt.

Síminn og facebook duga ekki ein og sér til að ná árangri í prófkjöri. Ég vona að þátttaka mín í atvinnu -og félagsmálum vigti meira á endanum. Ég hef starfað sem verkamaður, rafvirki, sjómaður, rafmagnstæknifræðingur auk útgerðarstjórastarfs hjá Ísfélagi Vestmannaeyja frá 2003. Hef sinnt stjórnarstörfum hjá ÍBV-íþróttafélagi í aðalstjórn þegar Þór og Týr sameinuðust. Var í handboltaráði karla í mörg ár. Sat í stjórn Golfklúbbs Vestmannaeyja um skeið. Samkvæmt upptalningunni,  þá er ljóst að ég hef þurft að vinna með fjölda fólks í verkefnum sem eru ólík. En meginstefið er alltaf að vinna með fólki og finna lausnir.

Forystusætið er bæði spennandi og ögrandi takmark á lista sjálfstæðismanna, eftir að hafa verið varabæjarfulltrúi og setið í Umhverfis og skipulagsráði á síðasta kjörtímabili.

Ég tel mína reynslu ágæta í leiðtogahlutverkið á lista Sjálfstæðisflokksins fyrir komandi kjörtímabil.

Eyþór Harðarson, sækist eftir 1.sæti í prófkjöri Sjálfstæðismanna þann 26.mars.

Nýjustu fréttir

Íþróttir
Andri Erlingsson til Kristianstad
Bæjarmálin
Verulegur munur á tilboðum í flóðlýsingu Hásteinsvallar
Aðsent
Minningar um gos – söngvar og sögur í Eldheimum
Sjávarútvegur
„Fínasti vertíðarfiskur”
Fréttir
Kallað eftir hugmyndum fyrir Goslokahátíð 2026
Herjólfur
Ein ferð í Landeyjahöfn
Áhugavert
Heilsurækt við Íþróttamiðstöðina boðin út á ný eftir kærumál
Aðsent
Góður mánudagur sem varð enn betri!
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.